Golovkin jankúierlerine úndeý jasady

Golovkin jankúierlerine úndeý jasady


WBA Super jáne IBF nusqalary boiynsha orta salmaqtaǵy álem chempiony Gennadii Golovkin Saýl Kanelo Alvarespen jekpe-jek qarsańynda jankúierlerine úndeý joldady, - dep habarlaidy Tengrinews.kz.

"Barsha boks jankúierine, osy jekpe-jekti kútip, ýaiymdap, meni qoldaityn barlyq janǵa alǵys aitqym keledi. Men óz tarapymnan bul, shynymen de keremet boks keshi, qazirgi kezdegi eń úlken jekpe-jek jáne keremet shoý bolatynyna kepildik bere alamyn. Sizderge unaýy úshin bárin jasaimyz", - dedi GGG Instagram-da jariialanǵan videoda.

Qazaqstandyq sportshy videoǵa úsh tilde sipattama jazdy: "Very grateful for all your support! Barsha qoldaýlaryńyzǵa myń alǵys! Blagodaren za vsiý vashý podderjký!"

Golovkin men "Kanelonyń" úshinshi jekpe-jegi 17 qyrkúiekte ekinshi orta salmaqta ótedi. Kezdesý Las-Vegastaǵy (Nevada, AQSh) T-Mobile Arena-da bolady. Aldyńǵy eki jekpe-jek te osynda ótken. Birinshi kezdesý daýly teń nátijemen aiaqtaldy, al ekinshide tóreshilerdiń sheshimimen meksikalyq jeńiske jetti.