YouTube jelisinde qazaqstandyq boksshy Gennadii Golovkinge arnalǵan kezekti beinebaian jariialandy, dep xabarlaidy Ult.kz tilshisi QazAqparat agenttigine silteme jasap.
Osy jolǵy rolik «No stopping me» dep atalady. Onda GGG-diń bapkeri Abel Sanches óz shákirti jáne onyń daiyndyǵy tóńireginde oi qozǵaidy. Budan bólek, Gennadii Golovkinniń dalada jasap júrgen jattyǵýlarynyń jańa kadrlary jariialanyp otyr.
Aita keteiik, 16 qyrkúiekte Gennadii Golovkin meksikalyq boksshy Saýl Alvarespen judyryqtasady. Osy jekpe-jekte Alvares GGG-diń tek eki ataǵy - WBA men IBF belbeýi úshin ǵana talasady. Golovkin utylyp qalsa, onyń taǵy eki belbeýi - WBC men IBO bos qalyp, ony basqa boksshylar ózara sarapqa salady. Al qazaqstandyq boksshy jeńiske jetse, tórt belbeýine taǵy The Ring jýrnalynyń arnaiy belbeýin qosyp alady. Atalǵan basylym ony arnaiy Alvares úshin shyǵarǵan bolatyn. Ýaqyt aiyrmashylyǵyna bailanysty Qazaqstanda jekpe-jekti tikelei kórsetilimi 17 qyrkúiekte tańerteń bolady.
