IBF jáne IBO nusqalary boiynsha orta salmaqtaǵy álem chempiony Gennadii Golovkinniń (40-1-1, 35 KO) kelesi jekpe-jegi ótetin kún belgili boldy, dep habarlaidy Sports.kz.
Insaiderler Maik Koppindjer (The Athletic) men Den Rafaeldiń (ESPN) aqparaty boiynsha Gennadiidiń kelesi jekpe-jegi 28 naýryzda bolady. Qarsylasy - polshalyq Kamil Sheremeta (21-0, 5 KO). Boks keshi Chikagodaǵy polsha diasporasy kóbirek shoǵyrlanǵan Wintrust Arena-da ótedi.
Kamil Sheremeta Sports.kz-ke bergen suhbatynda ekijaqty kelissóz aiaqtalǵanyn jáne jaqyn kúnderi jekpe-jek týraly aqparat resmi túrde jariialanatynyn málimdegen. Bul - Golovkinniń DAZN striming servisimen jasasqan kelisimshart aiasynda bolatyn úshinshi judyryqtasýy jáne osy jekpe-jekte ol 5 qazan kúni Sergei Derevianchenkodan (13-2, 10 KO) jeńip alǵan IBF jáne IBO titýldaryn birinshi ret qorǵaidy.
