Foto: gov.kz
Soltústik Qazaqstan oblysy QAJD bastyǵynyń mindetin ýaqytsha atqarýshy general-maior Berik Bilálov alaiaqtyq jasaǵany úshin kináli dep tanyldy. Astana qalasynyń qylmystyq ister jónindegi aýdanaralyq soty úkim shyǵardy, - dep habarlaidy "Ult aqparat" Tengrinews.kz saityna silteme jasap.
Sot úkimi boiynsha, Bilálovke bes jylǵa bas bostandyǵynan aiyrý jazasy taǵaiyndalǵan. Sondai-aq, ol 10 jylǵa memlekettik qyzmette, sot biliginde, jergilikti ózin-ózi basqarý organdarynda, Ulttyq bank pen onyń vedomstvolarynda, basqa da memlekettik uiymdar jáne kvazimemlekettik sektor sýbektilerinde laýazym atqarý quqyǵynan aiyryldy.
Burynǵy joǵary laýazymdy politsiia qyzmetkeri jazasyn qylmystyq-atqarý júiesiniń ortasha qaýipsiz mekemesinde óteidi.
Sondai-aq, sot Prezident atyna Bilálovti "II dárejeli Dańq" ordeninen jáne politsiia general-maiory ataǵynan aiyrý týraly usynys engizdi.
