Foto: © Sputnik / Janna Etekbaeva
Ishki ister ministriniń birinshi orynbasary Marat Qojaevtan Almaty oblysy Politsiia departamentiniń burynǵy basshysy, general Serik Kúdebaev qalai qashyp ketkeni suraldy, - dep habarlaidy Tengrinews.kz saity.
OKQ brifinginde jýrnalist qansha tutqyn qamaýdan qashqany, onyń ishinde Kúdebaevtyń qashýy týraly surady.
"Bul jerde túsinikterdi shatastyrmańyz. General Kúdebaev qamaýda bolǵan joq jáne bul is boiynsha onyń bultartpaý sharasyna politsiia jaýapty emes, ol úshin basqa bultartpaý sharasy tańdaldy. Áńgime qamaýdan qashý týraly bolyp otyr, men óz baiandamamda aitqanymdai, 11 derektiń joly kesildi.
Umytpasam, biyl elimizde bas bostandyǵynan aiyrý oryndarynan qashýdyń úsh deregi tirkelip, úsheýi de (qashqyndar. – esk.) bir táýlikte derlik anyqtalyp, bas bostandyǵynan aiyrý oryndaryna qaitaryldy. General Kúdebaev túrmede bolǵan joq", - dep jaýap berdi Qojaev OKQ brifinginde.
