Foto: dzen.ru
Genderlik janjalǵa tap bolǵan taǵy bir Taivan boksshysy Lin Iýi-Tin Olimpiada chempiony atandy, dep habarlaidy «Ult aqparat» Stan.kz -ke silteme jasap.
57 kelige deiingi salmaqta finaldyq kezdesýde Iýi-Tin polshalyq Iýliia Sheremetany utty. Iýi-Tin finalǵa deiin birde-bir raýndta jeńilis tappady. Al onyń qarsylastary narazylyq belgisi retinde H belgisin kórsetti.
BAQ aljirlik boksshy Iman Helif pen taivandyq Iýi-Tindi transgender dep atady. Bul málimdemeni Halyqaralyq Olimpiada komiteti joqqa shyǵardy.
Buǵan deiin boksshy Lin Iýi-Tinniń genderlik daý saldarynan finalǵa shyqqany habarlanǵan edi.
Genderlik janjaldyń ortasynda qalǵan aljirlik boksshy Iman Helif 2024 jyly Olimpiadada altyn jeńip aldy.
Aita keteiik, Iman Heliftiń Parij Olimpiadasyndaǵy alǵashqy jekpe-jegi merziminen buryn aiaqtalǵan bolatyn, óitkeni italiandyq Andjela Karini jekpe-jekti jalǵastyrýdan bas tartty.
Jartylai finalda Helif 5-0 esebimen tailandtyq Djandjai Sývannaphengti jeńdi.
Heliftiń Olimpiadaǵa qatysýynyń ózi san alýan pikir týyndatty, óitkeni ol 2023 jyly áielder arasyndaǵy bokstan álem chempionatynda genderlik test synaǵynan óte almai, jarystan shettetilgen edi.
Eske salsaq, buǵan deiin Iman Helif transgender dep aiyptalǵan bolatyn. Alaida sportshynyń ákesi Iman Helif onyń týý týraly kýáligin kórsetip, biologiialyq qyz ekenin dáleldedi.
