QR Energetika ministri Maǵzum Myrzaǵaliev suiytylǵan gaz baǵasynyń naryq retteitin baǵasy qansha bolý kerektigi týraly pikir bildirdi, dep habarlaidy QazAqparat.
Bul týraly ol ortalyq kommýnikatsiialar qyzmetinde ótken brifingide aitty.
«Suiytylǵan munai gazyn tutynýdyń kólemi 2021 jyly kúsheidi. Sebebi 2019 jyldan beri suiytylǵan gazǵa ótkizilgen avtokólikter sany biyl shamamen 2 ese ósti. Álemdik tájiribede suiytylǵan gazdyń baǵasy munai baǵasymen ózara bailanysty. Benzin baǵasynyń 70% paiyzyn quraidy. Mysaly retinde, AI-92 markaly benzinniń quny litrine 182 teńge bolǵan kezde gazdyń naryqtyq quny shamamen litrine 127 teńgeni quraýy tiis», - dedi ministr.
Eske salsaq, Memleket basshysy Qasym-Jomart Toqaev Twitter-degi suiytylǵan gaz baǵasynan bastalǵan paraqshasynda Jańaózendegi jaǵdaiǵa qatysty jazba jariialaǵan bolatyn.
«Úkimetke Jańaózendegi jaǵdaidy ekonomikalyq turǵydan eskerip, quqyqtyq jaǵynan tez arada qarastyrýdy tapsyrdym. Sherýge shyqqandar qoǵamdyq tártipti buzbaýy tiis. Azamattardyń jergilikti jáne ortalyq bilik organdaryna talabyn ashyq aitýǵa quqyǵy bar, biraq, bul zańǵa, naqtyraq aitqanda, beibit sherýler týraly zańǵa sáikes júzege asyrylýy kerek» delingen jazbada.
