Foto: QR SIM
Búgin evakýatsiianyń birinshi kezeńi júzege asyrylyp, nátijesinde «Rafah» baqylaý-ótkizý pýnkti arqyly Gaza sektorynan Mysyr aýmaǵyna 92 Qazaqstan azamaty men olardyń otbasy músheleri ótti, dep habarlaidy "Ult aqparat" QR SIM baspasóz qyzmetine silteme jasap.
"Qazaqstandyq diplomattar otandastarymyzǵa barlyq qajetti konsýldyq-quqyqtyq jáne psihologiialyq kómek kórsetti. Shekaradaǵy rásimderden keiin bizdiń azamattarymyz kolonna quramynda jolǵa shyqty jáne jaqyn arada Kair qalasyna jetedi.
Aita ketetin jáit, QR azamattaryn Gaza sektorynan evakýatsiialaý kezeń-kezeńmen júrgizilip jatyr. Osy oraida qazaqstandyq diplomattar Izrail, Mysyr, Palestina ulttyq ákimshiliginiń quzyretti organdarymen jáne basqa da halyqaralyq uiymdarmen qalǵan otandastarymyzdy anklavtan evakýatsiialaý boiynsha jumysty jalǵastyrady" - delingen habarlamada.
Vedomstvo málimetinshe, bizdiń barlyq azamatymyz Gaza sektorynan Kairge aman-esen jetkizilgennen keiin QR Úkimeti olardy elge jetkizý úshin evakýatsiialyq bort joldaidy.
