Ekonomist Aidarhan Qusaiynov taýarlyq gazǵa tarifti kóterý jóninde pikir bildirdi, dep habarlaidy QazAqparat.
«Qazirgi kezde qanaǵattanarlyq jaǵdaida bolmai turǵan gaz salasyn damytý úshin mol qarajat qajet. Máseleni sheshýdiń bir nusqasy – gazǵa ishki tarifti kóterý, árine bul kóp adamǵa unamaýy múmkin. Búgingi tańda «kógildir otyn» tarifteri eksport esebinen sýbsidiialanady, iaǵni ishki naryqta shyǵyndar bar, gazdyń tómen baǵasy ekonomikany burmalaitynyn túsiný kerek», - dedi A. Qusaiynov.
Onyń aitýynsha, munai-gaz salasyn tartymdy etý úshin tarif tiimdi bolýy kerek.
«Arzan gaz óziniń energiia tiimdiligin, onyń ishinde ónimdiligi men básekege qabilettigin arttyrýǵa serpin bermeidi. Qazirgi ýaqytta gaz naryǵyndaǵy teńgerimsizdik gaz ónerkásibiniń damýyna kedergi keltiredi. Qazir ishki gaz júiesine jáne gaz óndirýge investitsiia salý tiimdi emes. Árine, tariftiń ósýi jaǵymdy jańalyq emes, degenmen, buǵan sabyrly jáne túsinistikpen qaraý kerek», - deidi ekonomist.
