Osydan az ýaqyt buryn “Alaiaqtyq jasady” dep aiyptalyp, sot úkimimen alty jylǵa sottalǵan ánshi, kompozitor Gaýhar Álimbekova sot sheshimi kúshine engenge deiin qolhat jazyp, bostandyqqa shyqqan edi. Búgin Youtube áleýmettik jelisinde ánshiniń kópshilikten keshirim surai otyryp, alǵys aitqan videosy jaryq kórdi.
Aita ketsek, ánshi sot úkimi kúshine engenge deiin úiqamaqta bolady.
30 qańtarda Almaty qalasy Almaly aýdandyq soty óner juldyzyn alaiaqtyq jasaǵany úshin kináli dep taýyp, 6 jylǵa bas bostandyǵynan aiyrǵan bolatyn. Ánshimen qosa sot aldynda 2016 jyly 6 jyl 8 aiǵa bas bostandyǵynan aiyrylǵan Ferýza Ordabaeva da jaýap berdi. Anyqtalǵandai, aiyptalýshylar tanysyna iri turǵyn úi kesheninen páter satyp alyp berýdi ýáde etip, aqshany qaitarmai qoiǵan.
Ferýza Ordabaeva 190-baptyń 4-bóligi 2-tarmaǵy boiynsha kináli dep tanylyp, 6 jyl 8 aiǵa bas bostandyǵynan aiyrý jazasyna kesildi. Ol buǵan deiin de sottalǵany, jazasynyń bir bóligin áli ótemegeni belgili boldy.
