QR Tsifrlyq damý, innovatsiialar jáne aeroǵarysh ónerkásibi ministrligi 2020 jyldyń birinshi jartyjyldyǵynda ǵaryshtyq monitoringileý arqyly anyqtalǵan qoqys úiindilerine qatysty málimetti usyndy, dep habarlaidy "Ult aqparat".
Vedomstvodan málim etkendei, atalǵan kezeńde 1114 stihiialyq qoqys úiindisi anyqtaldy.
«Jyl basynan 12 geoservis jumysy ózektendirildi. 3,5 myń birlik nemese tunyqtyǵy joǵary 1,5 mln sharshy km bolatyn ǵarysh túsirilimderi usynyldy. Sondai-aq, tunyqtyǵy ortasha sýretter bar, olardyń sany 75 birlik nemese 440 myń sharshy km asady.
Ǵarysh monitoringiniń nátijeleri memlekettik organdardyń jumysynda qoldaný úshin mamandandyrylǵan geoservisterge júkteledi. Budan basqa, derekterdi integratsiialaýdy oryndaý úshin jergilikti atqarýshy organdardyń aqparattyq júielerimen salystyrý turaqty júrgiziledi.
Mysaly, ǵaryshtyq monitoringileý arqyly búginde jalpy aýdany 350 myń sharshy km-den astam aýylsharýashylyq alqaptarynyń pishini ózektendirildi, shamamen 19 mln gektar dándi daqylǵa arnalǵan egistik alańy anyqtaldy. Sondai-aq, orman aǵashyn kesýdiń 1104 poligony qanshalyqty zańǵa sai jumys istep jatqany taldandy. Ǵarysh sýretteri tótenshe jaǵdailardy anyqtaýǵa da kómektesedi: 87 myńnan astam termaldi núkte belgili boldy jáne 1073 órt oqiǵasy tirkeldi, órtengen aýmaqtyń aýdany 650 myń gektardan asady», - delingen aqparatta.
