Djeff Bezostyń Blue Origin aeroǵarysh kompaniiasynyń New Shepard ǵarysh kemesimen ǵaryshqa ushý biletiniń quny ashyq aýktsion kezinde 2,8 million dollardan asty jáne áli de kóterilip jatyr, dep habarlaidy Reuters agenttigi.
Blue Origin aeroǵarysh kompaniiasy New Shepard kemesiniń ekipajben alǵashqy sýborbitalyq ushýyna oryn alýǵa ótinimderdi 2020 jyldyń 20 shildesinen bastap usynǵan. Stavkalardyń tikelei kórsetilimi kompaniia saitynda júrgiziledi. Nur-Sultan ýaqytymen saǵat 13:20-da eń joǵary stavka 2,8 million dollardy qurady.
Bastapqyda kompaniia jospary boiynsha bássaýda jabyq rejimde ótken. Oǵan 136 elden 5200 úmitker qatysty. Qorytyndy baǵanyń odan da joǵary bolýy ábden múmkin, sebebi ashyq aýktsion 10 maýsymǵa deiin jalǵasady, al saýdanyń sońǵy bóligi 12 maýsymda ótedi.
Bássaýda jeńimpazy Blue Origin-nyń Batys Tehastaǵy ǵarysh ailaǵynda úshkúndik daiarlyqtan ótip, odan keiin ǵaryshqa ushady. Oǵan kompaniianyń bes qyzmetkeri qosylady.
