Baiqońyr ǵarysh ailaǵynan ushyrylǵan robot «Fedor» orbitada 12 kún jumys istep, aman-esen Jerge oraldy, dep habarlaidy "Ult aqparat".
Bortynda robot Fedor Skybot F-850 bar «Soiýz MS-14» ǵarysh kemesiniń apparaty Jezqazǵan qalasynan ońtústik-shyǵysqa qarai 147 shaqyrym qashyqtyqta Nur-Sultan ýaqytymen 03 saǵat 32 minýtta qondy.
Roskosmos baspasóz qyzmetiniń aqparaty boiynsha, «Soiýz MS-14» ǵarysh kemesiniń jerge qonýy jáne orbitadaǵy jumysy boiynsha barlyq operatsiia shtattyq rejimde ótken.
Eske salaiyq, «Soiýz-MS» kóliktik kemesi bar «Soiýz-2.1a» jańa zymyran-tasyǵyshy Baiqońyr ǵarysh ailaǵynan 2019 jyldyń 22 tamyzynda ushyryldy. Alaida, ǵarysh kemesi Halyqaralyq ǵarysh stansasyna (HǴS) belgilengen ýaqytta túiise almady.
Budan buryn «Soiýz-2.1a» zymyrany orbitaǵa tek «Progress» júk kemeleri men túrli baǵyttaǵy ǵarysh qurylǵylaryn shyǵaryp otyrdy. 25 qyrkúiekke josparlanǵan ushyrylymnan keiin «Soiýz-2.1a» zymyran-tasyǵyshyn «Soiýz-FG» kemesine aýystyrady.
