Ǵani Hamzin "Aq jol" partiiasynan Májilis depýtaty boldy, - dep habarlaidy "Ult aqparat".
«Búgin bizdiń qatarymyzǵa taǵy bir depýtat qosylyp otyr. «Aq jol» partiiasynyń tizimi boiynsha Ǵani Bolatuly Hamzin Ortalyq sailaý komissiiasynyń qaýlysymen Májilis depýtaty retinde tirkeldi. Osyǵan bailanysty Konstitýtsiiamyzdyń 51-babynyń 6-tarmaǵyna sáikes Parlamenttiń depýtaty Qazaqstan halqyna ant beredi», - dedi tómengi palata spikeri Nurlan Nyǵmatýlin.
Óz kezeginde, jańa depýtat palatanyń jalpy otyrysynda ant berdi.
"Qazaqstan halqyna adal qyzmet etýge, Qazaqstan Respýblikasynyń tutastyǵy men táýelsizdigin nyǵaitýǵa, onyń Konstitýtsiiasy men zańdaryn qatań saqtaýǵa, maǵan senip tapsyrylǵan depýtattyń joǵary mindetterin adal oryndaýǵa ant beremin", - dedi Hamzin.
