Qazaqstandyqtar Iýliia Galysheva men Dmitrii Reiherd Kalgarida (Kanada) fristail-mogýldan ótken álem kýbogy kezeńiniń júldegeri atandy, dep habarlaidy "Ult aqparat".
Ulttyq olimpiada komiteti habarlaǵanyndai, 2018 jylǵy Olimpiadanyń qola júldegeri Iu.Galysheva kúmis, D.Reiherd qola medalǵa ie boldy.
Iýliia alty finalistiń qataryna úzdik nátijemen ótti. Ótken jylǵy álem chempiony jarystyń sheshýshi bóliginde 80,69 ball jinap, ekinshi orynǵa kóterildi. Frantsiialyq Perrin Laffan (81,22 ball) chempion atansa, kanadalyq Jiýstin Diýfor-Lapýant (79,94 ball) úzdik úshtikti túiindedi.
D.Reiherd bastapqyda besinshi nátije kórsetti. Degemen finalda ol óz kórsetkishin jaqsartyp, 84,19 balmen úshinshi orynǵa ilikti. Kanadalyq Mikael Kingsberi (89,09 ball) altyn, shvetsiialyq Ýolter Ýolberg (85,10) kúmis júldeni enshiledi.
Aita keteiik, ótken jyly Kalgarida Iu.Galysheva jeńimpaz atanǵan bolatyn. Al D.Reiherd úshin bul – biylǵy maýsymdaǵy alǵashqy júlde.
Kanadada osylaisha álem kýbogynyń tórtinshi kezeńi márege jetti. Biyl álem kýbogynyń bir kezeńi Almatydaǵy Shymbulaqta da ótedi.
