Sarapshylardyń aitýynsha, jahandyq jylynýdyń aldyn alý múmkin emes, sol sebepti klimattyń ózgerýine daiyn bolý kerek.
Tel-Aviv ýniverstitetiniń ǵalymdary klimattyń jahandyq ózgerýine boljam jasady. Olardyń aitýynsha, bul qubylystar jaz mezgiliniń uzarýyna ákelip soǵýy múmkin, dep habarlaidy sputniknews.kz "Moia planeta" portalyna silteme jasap.
Izrail ǵalymdarynyń derekterine súiensek, parniktik gazdar – klimattyń ózgerýine ákep soǵatyn negizgi faktor, ol adamnyń is-áreketimen tyǵyz bailanysty. Sarapshylar zertteýlerin Halyqaralyq klimatologiia jýrnalyna jariialap, dabyl qaǵatyn qorytyndylar jasady: adamnyń is-áreketi osyndai qarqynmen klimatqa áser etetin bolsa, ǵasyrdyń ortasyna qarai jaz mezgili tórtten bir bólikke, al ǵasyrdyń sońynda eki aiǵa deiin uzarady.
Izrail, Mysyr, Livan jáne Túrkiia siiaqty elderde qurǵaq ári aptap kezeń jarty jylǵa deiin sozylyp, al jańbyrly maýsym eki aiǵa deiin qysqarady. Bul ózgerister óńirdiń tirshiligine aitarlyqtai yqpalyn tigizýi múmkin: sý resýrstarynyń sapasy tómendep, maýsymdyq aýrýlardyń merzimi men jiiligi ózgerýi yqtimal. Klimattyń aýysýyna daiyndalǵan jón, dep sanaidy ǵalymdar, sebebi jylynýdyń aldyn alý múmkin emes kórinedi.
