Ǵalymdar teledidardy uzaq otyryp kórgen 50 jasqa deiingi adamdarda ishek obyry dertine shaldyǵýdyń joǵary qaýpi bar ekenin anyqtady, dep habarlaidy EurekAlert.
Olar AQSh-ta 1989 jyldan beri jinalǵan negizgi sozylmaly aýrýlar úshin qaýipti faktorlar týraly málimetter bazasynyń eń iri qory - Meiirbike densaýlyǵyn zertteýdiń ekinshi kezeńiniń nátijelerin taldap shyqty. Ǵalymdar «qatysýshylardyń otyrý ádetterine», atap aitqanda, olardyń «teledidar aldynda telmirip» ótkizgen ýaqytqa nazar aýdardy.
Tikishek obyrynyń erte damýynyń 118 oqiǵasyn zerttegen ǵalymdar telebaǵdarlamalardy kórip ótkizgen bir saǵat ýaqyt aýrýǵa shaldyǵý qaýpin 12 paiyzǵa ósirgenin baiqaǵan. Al kún saiyn teledidar aldynda eki saǵattan artyq otyrǵandardyń dertke shaldyǵý qaýpi 70 paiyz joǵary boldy.
Ǵalymdar anyqtalǵan bul zańdylyqtyń zertteýge qatysýshylardyń salmaǵy jáne fizikalyq belsendiligimen, sondai-aq, genetikalyq faktorǵa bailanysty emes ekenin atap ótti.
