Qytaida avtobýstardyń birinde júrgizilgen jańa ǵylymi zertteý COVID-19 jeldetilmeitin ortada eshqandai aýrý belgileri joq naýqas adamnan aýa arqyly taralýy múmkin degen epidemiologtardyń pikirin rastady. Bul týraly Le Monde frantsýz basylymy habarlady.
Aýrý belgileri jáne qorǵanysh maskasy joq COVID-19 juqtyrǵan adam bir saǵatqa jýyq ýaqytqa sozylǵan sapar kezinde nashar jeldetiletin avtobýstaǵy jolaýshylardyń úshten birine virýs juqtyrdy. Ǵalymdar koronavirýs juqtyrý radiýsy buryn oilaǵannan áldeqaida úlken ekenin dáleldedi. COVID-19 avtobýs salonynyń aldyńǵy jáne artqy jaǵyndaǵy jolaýshylardan tabyldy.
Epidemiologtar buǵan deiin koronavirýs juqtyrǵan adamdar túshkirgende nemese jótelgende tamshylar arqyly juqtyrady dep málimdegen edi. Sondyqtan daǵdarys bastalǵan kezde aýa arqyly taralýy múmkin degen boljamdy búkil álemniń densaýlyq saqtaý organdary nazardan tys qaldyrdy. Alaida kóptegen mamandardyń respiratorlyq virýstar máselesi jónindegi pikirleri men qarapaiym áńgime kezinde virýstyń aýada bolýy-bolmaýyna qatysty zertteý nátijelerinen alynǵan jańa bilimniń arqasynda jazda jaǵdai ózgerdi.
