Massachýsets jalpy aýrýhanasynyń zertteýshileri halyqaralyq dermatologiialyq qoǵamdar ligasymen jáne amerikandyq Dermatologiia akademiiasymen birlese otyryp COVID-19-ǵa tán emes jańa simptomdardy anyqtady. Bul týraly QR Úkimeti janyndaǵy Qazaqstanda koronavirýstyń taralýyna jol bermeý jónindegi VAK telegram kanaly habarlady.
COVID-19 juqtyrǵan 12 myń adamnyń aiaǵyndaǵy úsik shalý belgilerin eske túsiretin qatty titirkený men qyzarý paida bolǵan. Dermatologtar bul qubylysty «Kovidti saýsaqtar» dep atady.
Naýqastardyń aitýynsha qoldary men aiaqtarynyń saýsaqtarynda paida bolǵan qyzyl jáne kúlgin túinekter azdap aýyrǵanymen, qyshymaidy eken. Bórtpe jazylǵannan keiin teriniń ústińgi qabaty qabyrshaqtanyp túsip qalady.
Dárigerler teriniń mundai qabynýy men koronavirýstyń arasyndaǵy bailanysty «Kovidti saýsaqtary» bar balalardyń terisiniń biopsiiasy arqyly anyqtaǵan.
Mundai belgiler, ádette, COVID-19 juqtyrǵannan keiin orta eseppen bir-eki apta boiy saqtalady, biraq keibir naýqastarda olar uzaq ýaqyt, iaǵni 130 kúnge deiin saqtalady.
Zertteýshiler jańa derekterdiń dárigerlerge COVID-19 juqtyrǵan, alaida indettiń aiqyn belgileri baiqalmaǵan naýqastardy anyqtaýda óz septigin tigizerine senimdi.
