Ǵalymdar Altsgeimer aýrýy mida buryn oilaǵandai emes, basqasha damitynyn anyqtaǵan bolýy múmkin. Kembridj ýniversiteti jáne Garvard meditsina mektebi ǵalymdarynyń tujyrymdaýynsha, Altsgeimer aýrýy midyń bir ǵana bóliginde damymaidy. Zertteý qorytyndysy boiynsha, midyń kognitivti fýnktsiiasyna jaýapty Altsgeimer aýrýymen bailanysty ýly aqýyz klasteri bastapqy kezeńde midyń túrli bóligine jetip, odan soń ondaǵan jyldar boiy damidy, dep jazady Azattyq.
Science Advances ǵylymi zertteý jýrnalynda jariialanǵan ǵylymi eńbek – midyń degenerativti aýrý túrine soqtyratyn molekýliarlyq protsestiń jyldamdyǵyn esepteý úshin adam aǵzasyndaǵy derekterdi qoldanǵan alǵashqy jumys.
"Buryn Altsgeimer aýrýy raktyń kóptegen túri siiaqty damidy degen kózqaras bolǵan, iaǵni agregattar bir jerde túzilip, sosyn midyń qalǵan bóligine taralady degen senim boldy. Biraq biz Altsgeimer bastalǵan kezde midyń túrli bóliginde agregattar qalyptasyp qoiatynyn anyqtadyq jáne sol sebepti mi bólikterindegi aýrýdyń damýyn toqtatýǵa tyrysýdan asa paida bolmaidy" dedi Kembridj zertteýshisi Djord Misl baspasóz habarlamasynda.
Ǵalymdar zertteý kezinde Altsgeimer aýrýyna dýshar bolǵan 100 adamnyń pozitron-emissiialyq tomografiiasy men osy aýrýdan qaitys bolǵan 400 shaqty adamnyń mi sýretterin paidalanǵan.
