عالىمدار التسگەيمەر اۋرۋى ميدا بۇرىن ويلاعانداي ەمەس, باسقاشا داميتىنىن انىقتاعان بولۋى مٷمكٸن. كەمبريدج ۋنيۆەرسيتەتٸ جەنە گارۆارد مەديتسينا مەكتەبٸ عالىمدارىنىڭ تۇجىرىمداۋىنشا, التسگەيمەر اۋرۋى ميدىڭ بٸر عانا بٶلٸگٸندە دامىمايدى. زەرتتەۋ قورىتىندىسى بويىنشا, ميدىڭ كوگنيتيۆتٸ فۋنكتسيياسىنا جاۋاپتى التسگەيمەر اۋرۋىمەن بايلانىستى ۋلى اقۋىز كلاستەرٸ باستاپقى كەزەڭدە ميدىڭ تٷرلٸ بٶلٸگٸنە جەتٸپ, ودان سوڭ ونداعان جىلدار بويى داميدى, دەپ جازادى ازاتتىق.
Science Advances عىلىمي زەرتتەۋ جۋرنالىندا جارييالانعان عىلىمي ەڭبەك – ميدىڭ دەگەنەراتيۆتٸ اۋرۋ تٷرٸنە سوقتىراتىن مولەكۋليارلىق پروتسەستٸڭ جىلدامدىعىن ەسەپتەۋ ٷشٸن ادام اعزاسىنداعى دەرەكتەردٸ قولدانعان العاشقى جۇمىس.
"بۇرىن التسگەيمەر اۋرۋى راكتىڭ كٶپتەگەن تٷرٸ سيياقتى داميدى دەگەن كٶزقاراس بولعان, ياعني اگرەگاتتار بٸر جەردە تٷزٸلٸپ, سوسىن ميدىڭ قالعان بٶلٸگٸنە تارالادى دەگەن سەنٸم بولدى. بٸراق بٸز التسگەيمەر باستالعان كەزدە ميدىڭ تٷرلٸ بٶلٸگٸندە اگرەگاتتار قالىپتاسىپ قوياتىنىن انىقتادىق جەنە سول سەبەپتٸ مي بٶلٸكتەرٸندەگٸ اۋرۋدىڭ دامۋىن توقتاتۋعا تىرىسۋدان اسا پايدا بولمايدى" دەدٸ كەمبريدج زەرتتەۋشٸسٸ دجورد ميسل باسپاسٶز حابارلاماسىندا.
عالىمدار زەرتتەۋ كەزٸندە التسگەيمەر اۋرۋىنا دۋشار بولعان 100 ادامنىڭ پوزيترون-ەميسسييالىق توموگرافيياسى مەن وسى اۋرۋدان قايتىس بولعان 400 شاقتى ادامنىڭ مي سۋرەتتەرٸن پايدالانعان.
