Tanymal jýrnalist, shyǵystanýshy Ǵalym Boqash "Qazaqstan" Ulttyq telearnasynyń "Jer-jihan" baǵdarlamasyn júrgizetin boldy.
Bul týraly «Qazaqstan» RTRK» AQ-nyń basqarma tóraǵasy Erlan Qarin habarlady. Ol feisbýktegi paraqshasynda: "Ulttyq arnanyń jańa baǵdarlamasyn qarsy alyńyzdar! Endi álemdegi oqiǵalarǵa ózindik jan-jaqty saraptamamen ár senbi saiyn saǵat 20.35-te "Jer Jixan" baǵdarlamasynan tanysa alasyzdar! Eń bastysy, kim júrgizetinin qarańyz! Ulttyq arna efirine kimniń oralǵanyn baiqadyńyz ba?", - dep jazdy.
Ǵalym Boqash 2001-2005 jyldary «Qazaqstan» respýblikalyq teleradiokorporatsiiasy» AQ qoǵamdyq-saiasi baǵdarlama redaktsiiasynyń jetekshisi, Aqparattyq-taldaý baǵdarlamasynyń direktory jáne «Mezgil» saraptamalyq baǵdarlamalarynyń júrgizýshisi, basqarma tóraǵasynyń orynbasary qyzmetterin atqarǵan bolatyn.
Keshe, iaǵni, 11 qarasha kúni "Jer-jihan" baǵdarlamasynyń alǵashqy shyǵarylymy kórermenge jol tartty. Halyqaralyq aqparattyq-saraptamalyq baǵdarlama Chehiianyń Praga qalasynan júrgizilmek. Atylmash habar ár senbi saiyn saǵat 20.35-te kórsetiledi.
Aita ketsek, Ǵalym Qabdýluly Boqash 1976 jyly 19 maýsymda Shyǵys Qazaqstan oblysy Maqanshy aýdanynda dúniege kelgen. Ál-Farabi atyndaǵy Qazaq ulttyq ýniversitetin támamdaǵan. Pákistanda, Úndistanda, Japoniiada eńbek ótilinen ótken. «Daryn» memlekettik Jastar syilyǵynyń, «Altyn Juldyz» syilyǵynyń, Qazaqstan Respýblikasy Prezidentiniń Buqaralyq aqparat quraldary salasyndaǵy syilyǵynyń laýreaty.
