Búgin Japoniianyń Sapporo qalasynda ótip jatqan VIII qysqy Aziia oiyndarynyń sońǵy kúni biatlonshylarymyz bir altyn, bir kúmis, bir qola medal jeńip aldy, dep habarlaidy Sapporodaǵy Ult.kz tilshisi QazAqparat agenttigine silteme jasap.
Biatlonshy qyzdarymyz 12,5 shaqyrymdyq mass-start jarysynda basty úsh júldege ie boldy.
Altyndy Galina Vishnevskaia jeńip alsa, kúmis pen qola qazaqstandyq Alina Raikova men Daria Ýsanovaǵa qanjyǵalaryna bailady.
Aita ketý kerek, bul - Vishnevskaianyń osy Aziadadaǵy tórtinshi «altyny». Osyǵan deiin ol sprintte, iz qýalaý men aralas estafetada birinshi oryn alǵan edi.
Jeńimpaz júldegerlerimizdiń kórsetkishteri:
1. Galina Vishnevskaia (Qazaqstan) - 39:26.6 (0+1+0+0)
2. Alina Raikova (Qazaqstan) - +44.4 (0+0+1+0)
3. Daria Ýsanova (Qazaqstan) - +1:33.1 (0+1+1+3)
4. Anna Kistanova (Qazaqstan) - +4:26.0 (2+1+3+0).
