بٷگٸن جاپونييانىڭ ساپپورو قالاسىندا ٶتٸپ جاتقان Vٸٸٸ قىسقى ازييا ويىندارىنىڭ سوڭعى كٷنٸ بياتلونشىلارىمىز بٸر التىن, بٸر كٷمٸس, بٸر قولا مەدال جەڭٸپ الدى, دەپ حابارلايدى ساپپوروداعى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
بياتلونشى قىزدارىمىز 12,5 شاقىرىمدىق ماسس-ستارت جارىسىندا باستى ٷش جٷلدەگە يە بولدى.
التىندى گالينا ۆيشنەۆسكايا جەڭٸپ السا, كٷمٸس پەن قولا قازاقستاندىق الينا رايكوۆا مەن داريا ۋسانوۆاعا قانجىعالارىنا بايلادى.
ايتا كەتۋ كەرەك, بۇل - ۆيشنەۆسكايانىڭ وسى ازياداداعى تٶرتٸنشٸ «التىنى». وسىعان دەيٸن ول سپرينتتە, ٸز قۋالاۋ مەن ارالاس ەستافەتادا بٸرٸنشٸ ورىن العان ەدٸ.
جەڭٸمپاز جٷلدەگەرلەرٸمٸزدٸڭ كٶرسەتكٸشتەرٸ:
1. گالينا ۆيشنەۆسكايا (قازاقستان) - 39:26.6 (0+1+0+0)
2. الينا رايكوۆا (قازاقستان) - +44.4 (0+0+1+0)
3. داريا ۋسانوۆا (قازاقستان) - +1:33.1 (0+1+1+3)
4. اننا كيستانوۆا (قازاقستان) - +4:26.0 (2+1+3+0).
