Sýret: primeminister.kz
Shymkent qalasyna jańa ákim taǵaiyndaldy, - dep habarlaidy "Ult aqparat".
"Memleket basshysynyń Jarlyǵymen Ǵabit Ábdimajituly Syzdyqbekov Shymkent qalasynyń ákimi laýazymyna taǵaiyndaldy", - delingen Aqorda habarlamasynda.
Ǵabit Syzdyqbekov 1980 jyly Shymkent qalasynda dúniege kelgen. Qazaq memlekettik zań ýniversitetin, RF SIM Diplomatiialyq akademiiasyn bitirgen.
Eńbek jolyn 2004 jyly SIM memlekettik protokol qyzmetiniń attashesi qyzmetinen bastaǵan. 2017 jylǵa deiin SIM-de túrli qyzmet atqarǵan.
2017-2019 jyldary – QR Parlamenti Senaty tóraǵasynyń keńesshisi; QR Parlamenti Senaty Apparatynyń Halyqaralyq qatynastar, qorǵanys jáne qaýipsizdik komitetimen ózara is-qimyl bóliminiń meńgerýshisi.
2019 jylǵy mamyrdan bastap qyrkúiekke deiin – SIM erekshe tapsyrmalar jónindegi elshisi.
2019 jylǵy qyrkúiekten 2021 jylǵa deiin Qazaqstan Respýblikasynyń Serbiia Respýblikasyndaǵy Tótenshe jáne Ókiletti elshisi qyzmetin atqardy.
2021 jyly QR Premer-Ministri Keńsesi basshysynyń birinshi orynbasary boldy.
2023 jylǵy aqpannan osy ýaqytqa deiin Úkimet Apparaty basshysynyń birinshi orynbasary boldy.
Bul rette Memleket basshysynyń Jarlyǵymen Murat Dúisenbekuly Áitenov Shymkent qalasynyń ákimi laýazymynan bosatyldy.
