QR Premer-Ministriniń Ókimimen Ábdirahymov Ǵabidolla Rahmetollauly QR Úkimet basshysynyń keńesshisi bolyp taǵaiyndaldy. Bul týraly Premer-Ministrdiń baspasóz qyzmetinen málim etti, dep habarlaidy QazAqparat.
Ǵabidolla Rahmatollauly Ábdirahymov 1975 jyly 23 qańtarda Ońtústik Qazaqstan oblysy Kirovo aýylynda (qazirgi Túrkistan oblysy) týǵan.
Qazaq memlekettik agrarlyq ýniversitetin ekonomist-býhgalter mamandyǵy boiynsha támamdaǵan, "Bolashaq" baǵdarlamasynyń túlegi. Qazaq, orys, nemis jáne aǵylshyn tilderin biledi.
Túrli jyldary QR Memlekettik qyzmet isteri agenttigin, QR Básekelestikti qorǵaý agenttigin basqarǵan. QR Prezidenti Ákimshiligi basshysynyń orynbasary, QR Premer-Ministri keńsesiniń basshysy, «Nur Otan» partiiasynyń hatshysy laýazymdaryn atqarǵan. 2015-2017 jyldary, sondai-aq 2018-2019 jyldar aralyǵynda Shymkent qalasynyń ákimi bolyp jumys istedi.
Shymkent qalasynyń ákimi laýazymynan 2019 jyldyń 30 shildesinde bosatyldy.
