Búgin Almatyda Qazaqstannyń Fýtbol federatsiiasy prezidentiniń keńesshisi Seiildá Baishaqovtyń qatysýymen fýtzaldan ÝEFA Chempiondar ligasy tórteýdiń finalyna jerebe tartyldy, dep habarlaidy Sports.kz.
Jerebe tartý rásimi Qazaqstan jáne Horvatiia ulttyq quramalarynyń arasyndaǵy joldastyq kezdesýdiń taimdary arasyndaǵy úzilis kezinde ótti.
Oǵan sáikes, Almatynyń «Qairaty» Ispaniianyń «Barselona» komandasymen kúsh synasady. Ekinshi jup «Sporting» (Portýgaliia) jáne «Inter» (Ispaniia) komandalarynan quraldy.
Eske sala keteiik, fýtzaldan ÝEFA Chempiondar ligasynyń final týrniri biyl sáýir aiynyń sońǵy demalys kúnderi «Almaty Arena» sport kesheninde ótedi.
