Búgin Shveitsariiannyń Non qalasynda fýtzaldan UEFA Chempiondar ligasy elitalyq satysy toptyq kezeńiniń jerebesi tartyldy, dep habarlaidy "Ult aqparat".
Esterińizge sala ketelik, atalmysh týrnirdiń elitalyq satysyna Qazaqstan atynan Almatynyń «Qairaty» men Rýdnyidyń «Aiat» komandalary joldama alǵan bolatyn.
Búgin olardyń qarsylastary anyqtaldy.
«Qairat» S tobynda Portýgaliianyń «Benfika», Ispaniianyń «El-Poso» jáne Italiianyń «Pesaro» komandalarymen synǵa túsedi. Bul toptaǵy oiyndar Almaty qalasyndaǵy «Almaty-arena» stadionynda bolady.
Al «Aiat» V tobynda Portýgaliianyń «Sporting», Reseidiń «Tiýmen» jáne Horvatiianyń «Novo Vrieme» klýbtarymen sheberlik baiqasady. Bul toptaǵy komandalar Tiýmen qalasyna jinalady.
Oiyndar 19-24 qarasha kúnderi ótkiziledi.
