Búgin fýtzaldan Qazaqstan quramasy álem chempionaty elitalyq kezeńinde ekinshi kezdesýinde Sloveniiamen oinady, dep habarlaidy "Ult aqparat".
Eki qurama da alǵashqy oiynda qarsylastaryna ese jiberdi. Qazaqstan fýtzalshylary Rýmyniiadan, Sloveniia Chehiiadan 1:3 esebimen jeńilip qaldy. Sondyqtan búgingi kezdesý tartysty órbitini anyq edi.
Sloveniia búginge deiin álem chempionaty finaldyq kezeńinde birde-bir márte baq synap kórgen emes. Al Eýropa chempionatyna 4 márte qatysyp, 2014, 2018 jyldarda shirek finalǵa deiin jetti.
Mamandar Sloveniiany osal qarsylas dep sanaǵan edi. Degenmen olar qazaqstandyq quramaǵa laiyqty qarsylyq kórsete bildi. Qazaqstandyq fýtzalshylar gol soǵatyn birneshe múmkindikti múlt jiberip aldy. Sloveniianyń da sondai qateligi baiqaldy.
Birinshi kezeńniń sońyna taman Qazaqstan quramasy belsendi qimyl kórsetti. Nátijesinde 18-minýtta Albert Aqbalyqov urymtal sátti golǵa ainaldyryp ketti. Osylaisha qazaqstandyq fýtzalshylar alǵa shyqty. Al ekinshi kezeńniń 28 jáne 31 minýttarynda sloveniialyq fýtzalshylar eki gol soqsa, oǵan 32-minýtta qazaqstandyq Djýnior Dýglas bir golmen jaýap berdi. Dese de 34-minýtta Sloveniia quramasy taǵy da alǵa shyqty. Al 38-minýtta qazaqstandyq fýtzalshy Leo tarazy basyn teńestirdi. Oiynnyń 39-minýtta qazaqstandyq Dáýren Tursaǵulov jeńis golyn soqty. Osylaisha Qazaqstan Sloveniiadan 4:3 esebimen basym tústi.
Esterińizge sala ketelik, 2-5 aqpan aralyǵynda D tobynda Rýmyniia, Sloveniia jáne Chehiia quramalarymen synǵa túsedi. Búgin Chehiia quramasy Rýmyniiany 4:0 esebimen jeńdi. Eki týrdan keiin alty upaimen Chehiia birinshi orynda tur. Odan keiingi oryndaǵy Rýmyniia, Qazaqstan quramalarynyń enshisinde 3 upaidan bolsa, Sloveniia ázirge upai alǵan joq.
Qazaqstan quramasy 5 aqpanda Chehiiamen kezdesedi.
