Foto: Qazaqstan fýtzal federatsiiasynyń saity
Erler arasynda fýtzaldan Qazaqstan ulttyq quramasy 2024 jyly Ózbekstanda ótken álem chempionatynyń 1/8 finalynda Portýgaliia komandasyn jeńdi, dep habarlaidy Ult.kz.
Qarsylastar beisenbide Ándijannyń Ámbebap sport kesheninde kezdesti. Match 2:1 esebimen aiaqtaldy. Qazaqstandyqtar 11-minýtta Shyńǵys Esenamanovtyń golynyń arqasynda alǵa shyqty. Portýgaldar ekinshi taimnyń basynda Ziki Te (21-minýt) arqyly esepti teńestirdi.
Qazaqstan quramasynyń jeńis golyn negizgi ýaqyt aiaqtalýyna 14 sekýnd qalǵanda Dáýren Tursaǵulov soqty.
Ulttyq qurama shirek finalǵa joldama alyp, Argentina - Horvatiia jubynyń jeńimpazymen oinaidy.
Qazaqstan quramasynyń kelesi kezeńdegi oiyny 30 qyrkúiekte Tashkentte ótedi.
Aita keteiik, portýgaldar - ótken álem chempionatynyń jeńimpazdary. Qazirgi ýaqytta olar FIFA reitinginde Braziliiadan keiingi ekinshi oryndy ielenedi.
