Fýtzaldan Qazaqstan quramasynyń 2022 jylǵy Eýropa chempionaty toptyq irikteý kezeńinde búgin, 8 naýryzda cyrt alańda Belarýspen kezdesti, dep habarlaidy "Ult aqparat".
Esterińizge sala ketelik, qazaqstandyq fýtzalshylar besinshi topqa tústi. Qarsylastary - Vengriia, Belarýs jáne Izrail quramalary.
Qazaqstandyq qurama búginge deiin óz alańynda Vengriiadan 5:0, Belarýsten 5:2 esebimen basym tústi.
Al 28 qańtarǵa belgilengen Izrailmen syrt alańdaǵy oiyn sol eldegi koronavirýske qarsy sharalarǵa bailanysty ótkizilmei qaldy. Endi qos quramanyń eki oiyny da elordada «Jekpe-Jek» stadionynda bolady. Ol 9 jáne 11 sáýir kúnderine belgilengen.
Búgingi kezdesýde qazaqstandyq fýtzalshylar tizgindi óz qolyna alýǵa tyrysty. Nátijesinde birinshi kezeńde qazaqstandyq Dáýren Nurǵojin 6, Dáýren Nurǵojin 16-minýttarda mergendik tanytty.
Ekinshi kezeńde qazaqstandyq qurama basymdyǵyn arttyrdy. Oiynnyń 22-minýtta Tainan esepti ústemelei tústi. Degenmen 23-minýtta belarýstik Anton Matvienko múmkindikti múlt jibergen joq. Sodan keiin Dýglas Jýnior 28, Leo 32, Dáýren Tursaǵulov 36-minýttarda gol soǵyp ketti. Osylaisha Qazaqstan quramasy qarsylasyn 6:1 esebimen tize búktirdi.
Endi Qazaqstan quramasy 6 sáýirde syrt alańda Vengriiamen kezdesedi.
Aita ketelik, qazaqstandyq fýtzalshylar budan buryn Eýropa chempionaty finaldyq kezeńinde eki márte baq synady. 2016, 2018 jyldarda qola júlde aldy. Eýropa chempionatynyń finaldyq satysy 2022 jyldyń 19 qańtar jáne 6 aqpan aralyǵynda Niderlandynyń Amsterdam jáne Groningen qalalarynda ótkiziledi.
