فۋتزالدان قازاقستان قۇراماسىنىڭ 2022 جىلعى ەۋروپا چەمپيوناتى توپتىق ٸرٸكتەۋ كەزەڭٸندە بٷگٸن, 8 ناۋرىزدا cىرت الاڭدا بەلارۋسپەن كەزدەستٸ, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, قازاقستاندىق فۋتزالشىلار بەسٸنشٸ توپقا تٷستٸ. قارسىلاستارى - ۆەنگرييا, بەلارۋس جەنە يزرايل قۇرامالارى.
قازاقستاندىق قۇراما بٷگٸنگە دەيٸن ٶز الاڭىندا ۆەنگرييادان 5:0, بەلارۋستەن 5:2 ەسەبٸمەن باسىم تٷستٸ.
ال 28 قاڭتارعا بەلگٸلەنگەن يزرايلمەن سىرت الاڭداعى ويىن سول ەلدەگٸ كوروناۆيرۋسكە قارسى شارالارعا بايلانىستى ٶتكٸزٸلمەي قالدى. ەندٸ قوس قۇرامانىڭ ەكٸ ويىنى دا ەلوردادا «جەكپە-جەك» ستاديونىندا بولادى. ول 9 جەنە 11 سەۋٸر كٷندەرٸنە بەلگٸلەنگەن.
بٷگٸنگٸ كەزدەسۋدە قازاقستاندىق فۋتزالشىلار تٸزگٸندٸ ٶز قولىنا الۋعا تىرىستى. نەتيجەسٸندە بٸرٸنشٸ كەزەڭدە قازاقستاندىق دەۋرەن نۇرعوجين 6, دەۋرەن نۇرعوجين 16-مينۋتتاردا مەرگەندٸك تانىتتى.
ەكٸنشٸ كەزەڭدە قازاقستاندىق قۇراما باسىمدىعىن ارتتىردى. ويىننىڭ 22-مينۋتتا تاينان ەسەپتٸ ٷستەمەلەي تٷستٸ. دەگەنمەن 23-مينۋتتا بەلارۋستٸك انتون ماتۆيەنكو مٷمكٸندٸكتٸ مٷلت جٸبەرگەن جوق. سودان كەيٸن دۋگلاس جۋنيور 28, لەو 32, دەۋرەن تۇرساعۇلوۆ 36-مينۋتتاردا گول سوعىپ كەتتٸ. وسىلايشا قازاقستان قۇراماسى قارسىلاسىن 6:1 ەسەبٸمەن تٸزە بٷكتٸردٸ.
ەندٸ قازاقستان قۇراماسى 6 سەۋٸردە سىرت الاڭدا ۆەنگرييامەن كەزدەسەدٸ.
ايتا كەتەلٸك, قازاقستاندىق فۋتزالشىلار بۇدان بۇرىن ەۋروپا چەمپيوناتى فينالدىق كەزەڭٸندە ەكٸ مەرتە باق سىنادى. 2016, 2018 جىلداردا قولا جٷلدە الدى. ەۋروپا چەمپيوناتىنىڭ فينالدىق ساتىسى 2022 جىلدىڭ 19 قاڭتار جەنە 6 اقپان ارالىعىندا نيدەرلاندىنىڭ امستەردام جەنە گرونينگەن قالالارىندا ٶتكٸزٸلەدٸ.
