Fýtzaldan Qazaqstan quramasy 2022 jylǵy Eýropa chempionaty toptyq irikteý kezeńinde búgin elordada Belarýs komandasymen kezdesti, dep habarlaidy "Ult aqparat".
Esterińizge sala ketelik, qazaqstandyq fýtzalshylar besinshi topqa tústi. Qarsylastary - Vengriia, Belarýs jáne Izrail quramalary.
Búgingi oiynda qazaqstandyq fýtzalshylar jinaqy qimyl kórsetýge tyrysty. Kezdesý basynan tizgindi óz qolyna alýǵa kúsh saldy. Shyńǵys Esenamanov 2-minýtta mergendik tanytyp, alań ielerin alǵa shyǵardy. Al 8-minýtta Birjan Orazov, 14-minýtta Leo esepti ústemelei tústi.
Ekinshi kezeńde qos komanda alań ieleri basymdyǵyn arttyrdy. Shyńǵys Esenamanov 21-minýtta taǵy bir márte qaqpany dál kózdese, oǵan 28-minýtta belarýstik Sergei Krykýn bir golmen jaýap qaiyrdy. Al 28-minýtta Dáýren Tursaǵulov qazaqstandyq quramanyń basymdyǵyn arttyrdy. Belarýs oiynshysy Iýrii Rabyko 29-minýtta esep aiyrmasyn qysqartty.
Kezdesýde qazaqstandyq fýtzalshylar qarsylasyn 5:2 esebimen tize búktirdi. Osylaisha irikteý kezeńindegi ekinshi jeńisine qol jetkizdi.
Bul jeńisten keiin Qazaqstan quramasy óz tobynda alty upaimen jeke-dara kósh bastady. Odan keiingi oryndardaǵy Vengriia men Belarýstiń enshisinde úsh-úshten upaiy bar. Sońǵy oryndaǵy Izrail quramasy ázirge upai enshilegen joq.
Qazaqstan quramasy endi 8 naýryzda búgingi qarsylasy - Belarýspen syrt alańda taǵy bir oiyn ótkizedi.
Qazaqstandyq qurama alǵashqy oiynda óz alańynda Vengriiadan 5:0 esebimen basym tústi. Ekinshi kezdesýdi 28 qańtarda Izrailde ótkizý josparlanǵan.
Aita ketelik, qazaqstandyq fýtzalshylar budan buryn Eýropa chempionaty finaldyq kezeńinde eki márte baq synady. 2016, 2018 jyldarda qola júlde aldy. Eýropa chempionatynyń finaldyq satysy 2022 jyldyń 19 qańtar jáne 6 aqpan aralyǵynda Niderlandynyń Amsterdam jáne Groningen qalalarynda ótkiziledi.
