فۋتزالدان قازاقستان قۇراماسى 2022 جىلعى ەۋروپا چەمپيوناتى توپتىق ٸرٸكتەۋ كەزەڭٸندە بٷگٸن ەلوردادا بەلارۋس كومانداسىمەن كەزدەستٸ, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, قازاقستاندىق فۋتزالشىلار بەسٸنشٸ توپقا تٷستٸ. قارسىلاستارى - ۆەنگرييا, بەلارۋس جەنە يزرايل قۇرامالارى.
بٷگٸنگٸ ويىندا قازاقستاندىق فۋتزالشىلار جيناقى قيمىل كٶرسەتۋگە تىرىستى. كەزدەسۋ باسىنان تٸزگٸندٸ ٶز قولىنا الۋعا كٷش سالدى. شىڭعىس ەسەنامانوۆ 2-مينۋتتا مەرگەندٸك تانىتىپ, الاڭ يەلەرٸن العا شىعاردى. ال 8-مينۋتتا بٸرجان ورازوۆ, 14-مينۋتتا لەو ەسەپتٸ ٷستەمەلەي تٷستٸ.
ەكٸنشٸ كەزەڭدە قوس كوماندا الاڭ يەلەرٸ باسىمدىعىن ارتتىردى. شىڭعىس ەسەنامانوۆ 21-مينۋتتا تاعى بٸر مەرتە قاقپانى دەل كٶزدەسە, وعان 28-مينۋتتا بەلارۋستٸك سەرگەي كرىكۋن بٸر گولمەن جاۋاپ قايىردى. ال 28-مينۋتتا دەۋرەن تۇرساعۇلوۆ قازاقستاندىق قۇرامانىڭ باسىمدىعىن ارتتىردى. بەلارۋس ويىنشىسى يۋريي رابىكو 29-مينۋتتا ەسەپ ايىرماسىن قىسقارتتى.
كەزدەسۋدە قازاقستاندىق فۋتزالشىلار قارسىلاسىن 5:2 ەسەبٸمەن تٸزە بٷكتٸردٸ. وسىلايشا ٸرٸكتەۋ كەزەڭٸندەگٸ ەكٸنشٸ جەڭٸسٸنە قول جەتكٸزدٸ.
بۇل جەڭٸستەن كەيٸن قازاقستان قۇراماسى ٶز توبىندا التى ۇپايمەن جەكە-دارا كٶش باستادى. ودان كەيٸنگٸ ورىندارداعى ۆەنگرييا مەن بەلارۋستٸڭ ەنشٸسٸندە ٷش-ٷشتەن ۇپايى بار. سوڭعى ورىنداعى يزرايل قۇراماسى ەزٸرگە ۇپاي ەنشٸلەگەن جوق.
قازاقستان قۇراماسى ەندٸ 8 ناۋرىزدا بٷگٸنگٸ قارسىلاسى - بەلارۋسپەن سىرت الاڭدا تاعى بٸر ويىن ٶتكٸزەدٸ.
قازاقستاندىق قۇراما العاشقى ويىندا ٶز الاڭىندا ۆەنگرييادان 5:0 ەسەبٸمەن باسىم تٷستٸ. ەكٸنشٸ كەزدەسۋدٸ 28 قاڭتاردا يزرايلدە ٶتكٸزۋ جوسپارلانعان.
ايتا كەتەلٸك, قازاقستاندىق فۋتزالشىلار بۇدان بۇرىن ەۋروپا چەمپيوناتى فينالدىق كەزەڭٸندە ەكٸ مەرتە باق سىنادى. 2016, 2018 جىلداردا قولا جٷلدە الدى. ەۋروپا چەمپيوناتىنىڭ فينالدىق ساتىسى 2022 جىلدىڭ 19 قاڭتار جەنە 6 اقپان ارالىعىندا نيدەرلاندىنىڭ امستەردام جەنە گرونينگەن قالالارىندا ٶتكٸزٸلەدٸ.
