Búgin fýtboldan Premer-liga komandalary arasyndaǵy el birinshiliginiń tórtinshi týry jalǵasyp, taǵy eki oiynnyń nátijesi belgili boldy, dep habarlaidy "Ult aqparat".
Ekinshi oiyn kúnine úsh kezdesý belgilengen. Qazirge ediin onyń ekeýi aiaqtaldy.
Alǵashqy oiynda Qostanaidyń «Tobyly» syrt alańda Taldyqorǵannyń «Jetisýyn» 2:0 esebimen súrindirdi. Kezdesý barysynda qostanailyq klýb sapynan Aleks Amanovich 25, Elgýdja Lobjanidze 74-minýttarda mergendik tanytty.
Taǵy bir oiynda Almatynyń «Qairaty» óz alańynda Túrkistannyń «Turan» klýbyna 5:1 esebimen oisyrata jeńdi. Almatylyq komanda sapynan birinshi kezeńde Aibol Ábiken 2, 30, Kamo Oganesian 5, Hose Kante 43-minýttarda gol soqty. Ekinshi kezeńniń 90-minýtynda «Turan» fýtbolshysy Qasymhan Taiypov esep aiyrmasyn qysqartsa, kóp uzamai «Qairat» shabýylshysy Aderinsola Eseola oiynnyń núktesin qoidy.
Atalǵan týrdaǵy tórt oiyn keshe, 9 sáýirde ótkizilgen bolatyn.
Sol kúni «Taraz» Qaraǵandynyń «Shahterin» 4:0 esebimen tize búktirse, Oraldyń «Aqjaiyǵy» Petropavldyń «Qyzyljaryna» 0:1 esebimen ese jiberdi. Al «Aqtóbe» men «Ordabasy» 4:4 esebimen teń tústi.
Atalǵan týrdaǵy sońǵy oiyn búgin 19.00-de elordada «Astana» men «Atyraý» arasynda bolady.
