Búgin UEFA Konferentsiia ligasynyń plei-off satysynda qazaqstandyq «Qairat» alǵashqy oiynyn ótkizedi, dep habarlaidy "Ult aqparat".
Almatylyq klýb atalǵan kezdesýin elorda ýaqytymen 23.30-da syrt alańda Liýksembýrgtiń «Fola» komandasyna qarsy ótkizedi.
Oiyn Esh-siýr-Alzett qalasyndaǵy «Jozi Bartel» stadionynda bolady.
Kezdesýge portýgaliialyq Fabiý Verissimý bas qazy bolady. Oǵan otandastary Pedrý Almeida men Pedrý Martinsh kómekshilik jasaidy. Qosalqy tóreshi de portýgaliialyq Antoniý Nobre.
«Fola» klýby 1906 jyly qurylǵan. Óz elinde 8 márte chempion atanǵan. Buǵan deiin Chempiondar ligasy jáne Eýropa ligasy irikteý kezeńinde birneshe márte baq synaǵan. Eýropa ligasy 2017/18 jylǵy kezeńinde úshinshi irikteý satysyna deiin jetti.
Biyl eýrokýbokta «Fola» aldymen Chempiondar ligasy birinshi irikteý satysynda Gibraltardyń «Linkoln Red Imps» (2:2, 0:5) klýbyna jol berip qoidy. Odan keiin Konferentsiia ligasy ekinshi jáne irikteý satylarynda Belarýstiń «Shahter» (1:0, 2:1) jáne Soltústik Irlandiianyń «Linfild» (2:1, 2:1) klýbtaryn jarys jolynan shyǵardy.
Al «Qairat» aldymen Chempiondar ligasy birinshi irikteý satysynda Izraildiń «Makkabi Haifa» klýbynan (1:1, 2:0) basym tústi. Odan keiin Serbiianyń «Tsrvena Zvezda» klýbyna (2:1, 0:5) jol berip qoidy.
Eýropa ligasy úshinshi irikteý satysynda «Qairat» Armeniianyń «Alashkertine» (0:0, 2:3) ese jiberdi.
Aita ketelik, búgin Konferentsiia ligasy plei-off satysynda Qaraǵandynyń «Shahteri» elordada Izraildiń «Makkabi Tel-Aviv» klýbymen kezdesedi.
