Búgin, 2 naýryzda fýtboldan 2021 jylǵy sýperkýbogynda finalǵa shyqqan taǵy bir komanda anyqtaldy, dep habarlaidy "Ult aqparat".
Búgin jartylai finalda Qostanaidyń «Tobyly» men Almatynyń «Qairaty» kezdesti. Oiyn tartysty ótti deýge negiz bar. Komandalar negizinen shabýylǵa jii shyǵyp jatty.
Esepti 9-minýtta «Tobyl» oiynshysy Ashat Taǵybergen ashty. Oiynnyń 40-minýtta «Qairat» sapynan Neboisha Kosovich tarazy basyn teńestirip ketti.
Ekinshi kezeńniń 67-minýtynda almatylyq Artýr Shýshenachev óz komandasyn alǵa shyǵardy. Budan keiin qostanailyq klýb sapynan Sergei Malyi 73, Serikjan Mýjikov 75-minýttarda mergendik tanytty. Al 90-minýtta almatylyq klýb fýtbolshysy Gúljigit Alyqulov gol soǵyp, qaitadan tarazy basy teńesti. Negizgi kezeń 3:3 esebimen teń aiaqtalyp, kezdesý penalti tebýge ulasty. Bul joly «Tobyldyń» mereii ústem bolyp, qostanailyq klýb finalǵa shyqty.
Esterińizge sala ketelik, budan buryn «Astana» finalǵa shyqty.
Úshinshi oryn úshin saiys 5 naýryzda bolsa, final 6 naýryzǵa belgilengen.
Aita keteiik, atalǵan dop dodasy Túrkistan qalasyndaǵy «Túrkistan-arena» stadionynda ótýde.
Atalǵan týrnirdiń júlde qory 40 million teńge. Ol jeńimpaz jáne júldeli oryndarǵa qol jetkizgen komandalarǵa beriledi.
