بٷگٸن, 2 ناۋرىزدا فۋتبولدان 2021 جىلعى سۋپەركۋبوگىندا فينالعا شىققان تاعى بٸر كوماندا انىقتالدى, دەپ حابارلايدى "ۇلت اقپارات".
بٷگٸن جارتىلاي فينالدا قوستانايدىڭ «توبىلى» مەن الماتىنىڭ «قايراتى» كەزدەستٸ. ويىن تارتىستى ٶتتٸ دەۋگە نەگٸز بار. كوماندالار نەگٸزٸنەن شابۋىلعا جيٸ شىعىپ جاتتى.
ەسەپتٸ 9-مينۋتتا «توبىل» ويىنشىسى اسحات تاعىبەرگەن اشتى. ويىننىڭ 40-مينۋتتا «قايرات» ساپىنان نەبويشا كوسوۆيچ تارازى باسىن تەڭەستٸرٸپ كەتتٸ.
ەكٸنشٸ كەزەڭنٸڭ 67-مينۋتىندا الماتىلىق ارتۋر شۋشەناچەۆ ٶز كومانداسىن العا شىعاردى. بۇدان كەيٸن قوستانايلىق كلۋب ساپىنان سەرگەي مالىي 73, سەرٸكجان مۋجيكوۆ 75-مينۋتتاردا مەرگەندٸك تانىتتى. ال 90-مينۋتتا الماتىلىق كلۋب فۋتبولشىسى گٷلجٸگٸت الىقۇلوۆ گول سوعىپ, قايتادان تارازى باسى تەڭەستٸ. نەگٸزگٸ كەزەڭ 3:3 ەسەبٸمەن تەڭ اياقتالىپ, كەزدەسۋ پەنالتي تەبۋگە ۇلاستى. بۇل جولى «توبىلدىڭ» مەرەيٸ ٷستەم بولىپ, قوستانايلىق كلۋب فينالعا شىقتى.
ەستەرٸڭٸزگە سالا كەتەلٸك, بۇدان بۇرىن «استانا» فينالعا شىقتى.
ٷشٸنشٸ ورىن ٷشٸن سايىس 5 ناۋرىزدا بولسا, فينال 6 ناۋرىزعا بەلگٸلەنگەن.
ايتا كەتەيٸك, اتالعان دوپ دوداسى تٷركٸستان قالاسىنداعى «تٷركٸستان-ارەنا» ستاديونىندا ٶتۋدە.
اتالعان تۋرنيردٸڭ جٷلدە قورى 40 ميلليون تەڭگە. ول جەڭٸمپاز جەنە جٷلدەلٸ ورىندارعا قول جەتكٸزگەن كوماندالارعا بەرٸلەدٸ.
