Foto: kff_team
Fýtboldan Ulttar ligasyndaǵy Qazaqstan men Norvegiia arasyndaǵy kezdesý 0:0 esebimen teń aiaqtaldy.
Almatyda Ulttar ligasynyń ekinshi divizionynyń Qazaqstan men Norvegiia quramalary arasyndaǵy oiyn teń aiaqtaldy.
Oiyn Almatydaǵy Ortalyq stadionda ótti. Sport sarapshylary oiyn aldynda Norvegiia quramasynyń jeńiske jetetinin, al "Manchester Sitidiń" top shabýylshysy Erling Holandtyń kóp gol soqqan oiynshy atanatynyn boljaǵan edi. Biraq Qazaqstan quramasynyń qorǵanys shebi álemdik fýtbol juldyzyn toqtata bildi.
Birinshi taim tolyqtai qonaqtardyń basymdyǵymen ótti. Norvegiialyq Feliks Miýret qaqpa mańdaishasynan qaitty. Ekinshi taimda da esep ashylǵan joq. Qazaqstan quramasynyń jattyqtyrýshysy Stanislav Cherchesov aýystyrýlar jasady, biraq aýysymdar eshqaindai nátije bermedi.
9 qyrkúiekte Qazaqstan quramasy Liýblianada Sloveniia quramasymen kezdesedi.
