Fýtboldan Qazaqstan quramasynyń bas bapkeri laýazymyna reseilik maman Magomed Adiev taǵaiyndaldy, dep habarlaidy "Ult aqparat" federatsiianyń resmi saityna silteme jasap.
Jańa bapkerdiń kandidatýrasy Qazaqstan fýtbol federatsiiasy atqarýshy komitetiniń sheshimimen bekitildi.
Aita keteiik, Adiev birneshe tanymal fýtbol klýbtarynda oinaǵan.
Olardyń arasynda "Anji", "TsSKA", "Spartak", "Terek" jáne qazaqstandyq "Jeńis" bar. Bapkerlik mansabyn 2010 jyly bastaǵan. Sodan beri "Ahmat", "Anji" men "Chaika" komandalaryn jattyqtyrdy.
2021 jyly qaraǵandylyq «Shahter» fýtbol klýbynyń bas bapkeri qyzmetin atqaryp, ÝEFA Konferentsiia ligasynyń plei-off kezeńine jetti. Sonymen qatar qaraǵandylyq ujymdy Qazaqstan Kýbogynyń finalyna shyǵardy.
