Foto: KFF
Fýtboldan Qazaqstan quramasy 2026 jylǵy álem chempionaty irikteý kezeńindegi ekinshi matchynda Lihtenshteindi jeńdi, dep habarlaidy Ult.kz @b1rinshibol paraqshasyna silteme jasap.
Matchtan keiingi baspasóz májilisinde Lihtenshtein quramasynyń bas bapkeri Konrad Fiýnfshtiýk komandasynda bar-joǵy 4 qana kásipqoi fýtbolshy bar ekenin aitty.
«Bizdiń quramda Shveitsariiada oinaityn tórt kásibi fýtbolshy bar. Qalǵandarynyń bári – fýtboldy jan-tánimen súietin áýesqoi oiynshylar. Olardyń basqa negizgi jumystary bar. Búgin biz 114 shaqyrym júgirdik, al Qazaqstan quramasy – 107 shaqyrym. Demek, áýesqoilar Qazaqstannyń kásibi oiynshylarynan kóbirek júgirdi. Osy kásibi fýtbolshylar – bizdiń quramanyń negizgi tirek oiynshylary. Bizde kásibi oiynshylardyń bolǵanyna óte qýanyshtymyz», - dedi Fiýnfshtiýk matchtan keiin.
Eske sala keteiik, Qazaqstan quramasy syrt alańda Lihtenshteindi 2:0 esebimen jeńdi. Ulttyq qurama sapynan Maksim Samorodov pen Aleksandr Marochkin mergendik tanytty.
Al, Lihtenshteinde bar-joǵy 40 myńǵa jýyq halyq turady.
