Fýtboldan Qazaqstan kýbogy finalyna joldama alǵan alǵashqy komanda anyqtaldy, dep habarlaidy QazAqparat.
Jartylai finaldaǵy alǵashqy oiynda Almatynyń «Qairaty» men elordalyq «Astana» komandalary sheberlik baiqasty. Ekeýiniń arasyndaǵy birinshi matchta almatylyq klýb 3:0 esebimen basym tústi.
Kezdesýge elordalyq klýb sapynan birneshe fýtbolshy qatysa alǵan joq. Soǵan qaramastan bul kezdesýge «Qairat» negizgi quramdy shyǵardy.
Oiyn barysynda almatylyq komandanyń basymdyǵy baiqalyp turdy. Dese de birinshi kezeńde tablodaǵy esep ózgergen joq.
Ekinshi kezeńniń 64 minýtynda elordalyq Meirambek Qalmyrza óziniń qaqpasyna sgol soǵyp aldy. Al 81-minýtta almatylyq Hose Kante esepti ústemelei tússe, 86-minýtta Vagner Lav mergendik tanytty.
Kezdesýde «Qairat» qarsylasyn 3:0 esebimen tize búktirdi.
Endi jartylai finaldaǵy taǵy bir oiynda Qostanaidyń «Tobyly» óz alańynda Qaraǵandynyń «Shahterin» qabyldaidy. Eki komanda arasyndaǵy alǵashqy kezdesýde 5:2 esebimen «Shahterdiń» basymdyǵymen aiaqtaldy.
Final 28 qarashaǵa belgilengen.
