فۋتبولدان قازاقستان كۋبوگى فينالىنا جولداما العان العاشقى كوماندا انىقتالدى, دەپ حابارلايدى قازاقپارات.
جارتىلاي فينالداعى العاشقى ويىندا الماتىنىڭ «قايراتى» مەن ەلوردالىق «استانا» كوماندالارى شەبەرلٸك بايقاستى. ەكەۋٸنٸڭ اراسىنداعى بٸرٸنشٸ ماتچتا الماتىلىق كلۋب 3:0 ەسەبٸمەن باسىم تٷستٸ.
كەزدەسۋگە ەلوردالىق كلۋب ساپىنان بٸرنەشە فۋتبولشى قاتىسا العان جوق. سوعان قاراماستان بۇل كەزدەسۋگە «قايرات» نەگٸزگٸ قۇرامدى شىعاردى.
ويىن بارىسىندا الماتىلىق كوماندانىڭ باسىمدىعى بايقالىپ تۇردى. دەسە دە بٸرٸنشٸ كەزەڭدە تابلوداعى ەسەپ ٶزگەرگەن جوق.
ەكٸنشٸ كەزەڭنٸڭ 64 مينۋتىندا ەلوردالىق مەيرامبەك قالمىرزا ٶزٸنٸڭ قاقپاسىنا سگول سوعىپ الدى. ال 81-مينۋتتا الماتىلىق حوسە كانتە ەسەپتٸ ٷستەمەلەي تٷسسە, 86-مينۋتتا ۆاگنەر لاۆ مەرگەندٸك تانىتتى.
كەزدەسۋدە «قايرات» قارسىلاسىن 3:0 ەسەبٸمەن تٸزە بٷكتٸردٸ.
ەندٸ جارتىلاي فينالداعى تاعى بٸر ويىندا قوستانايدىڭ «توبىلى» ٶز الاڭىندا قاراعاندىنىڭ «شاحتەرٸن» قابىلدايدى. ەكٸ كوماندا اراسىنداعى العاشقى كەزدەسۋدە 5:2 ەسەبٸمەن «شاحتەردٸڭ» باسىمدىعىمەن اياقتالدى.
فينال 28 قاراشاعا بەلگٸلەنگەن.
