Búgin fýtboldan Qazaqstan chempionaty qaita jalǵasady, dep habarlaidy "Ult aqparat".
Bul jóninde Qazaqstan kásipqoi fýtbol ligasy málim etti. Liga saitynda 18-30 tamyz kúnderi aralyǵynda ótetin oiyn kestesi jariialandy.
Esterińizge sala ketsek, elimizde koronavirýs infektsiiasy aldyn alý maqsatynda aldaǵy oiyndar Almaty jáne Talǵar qalalaryndaǵy tórt stadionda ótkiziledi.
Atalǵan týrdaǵy úsh oiyn 18, bireýi 19 tamyz kúni bolady. Atap aitqanda, 18 tamyzda Aqtaýdyń «Kaspii» jáne Almatynyń «Qairat» (Talǵar. Oqý-jattyǵý bazasy. 17.00) klýbtary sheberlik baiqasady. Sol kúni Taldyqorǵannyń «Jetisý» jáne Shymkenttiń «Ordabasy» (Almaty. Ortalyq stadion. 19.00), Jambyl oblysynyń «Taraz» jáne Petropavldyń «Qyzyljar» (Almaty. «Jas qyran» stadiony. 21.00) komandalary jasyl alańǵa shyǵady.
Al 19 tamyzda Qaraǵandynyń «Shahter» jáne Qyzylordanyń «Qaisar» (Almaty. T.Segizbaev atyndaǵy stadion. 18.00) bolady. Bul týrdaǵy Qostanaidyń «Tobyl» jáne elordalyq «Astana» klýbtarynyń kezdesýi keiinge qaldyryldy. Sebebi, 18 tamyzda «Astana» Chempiondar ligasy birinshi kezeńinde syrt alańda Belarýstiń «Dinamo» (Brest) klýbymen jarystyń ekinshi satysyna beriletin jalǵyz joldama úshin talasady.
Esterińizge sala ketelik, qazirge deiin elimizde úsh týr oiyndary ótkizildi. Alǵashqy eki týrdan keiin koronavirýs infektsiiasyna bailanysty chempionat belgisiz merzimge keiinge shegerildi. Odan keiin 1 shildede úshinshi týr ótkizilip, elimizde karantin sharalarynyń kúsheitilýine bailanysty qalǵan oiyndar taǵy da keiinge shegerildi.
