Fýtboldan Qazaqstan áielder quramasynyń bas jattyqtyrýshysy Raziia Núrkenova kenetten qaitys boldy, dep habarlaidy "Ult aqparat" Qazaqstan fýtbol federatsiiasyna silteme jasap.
Raziia Tóleýqyzy Núrkenova 52 jastan asqan shaǵynda kenetten kóz jumǵan. Bul esim mamandar men jankúierler arasynda keńinen tanymal. Ol kezinde ulttyq quramanyń alǵashqy shabýylshysynyń biri bolǵan edi.
R. Núrkenova sporttyq mansabyn qaraǵandylyq «Olimp» áielder fýtbol klýbynda bastaǵan. Bul komandada ol 1987-1991 jyldardyń aralyǵynda oiyn kórsetti. Komanda kapitany mindetin atqardy. 1992 jyly Reseidiń Samara qalasynyń TsSKA VKS fýtbol klýbyna aýysyp, onda 2001 jylǵa deiin shabýyl shebindegi jartylai qorǵaýshy boldy.
R. Núrkenova kezinde KSRO, TMD, Qazaqstan jáne Resei quramalaryna da shaqyrylǵan. Sportshylyq mansaby aiaqtalǵannan keiin fýtbol tóreshisi bolsa, keiinnen bapkerlik qyzmetpen ainalysty. Fýtboldan Qazaqstan jáne Resei sport sheberi.
