Búgin Shveitsariianyń Non qalasynda fýtboldan UEFA Chempiondar ligasy 2020/2021 jylǵy kezeńiniń birinshi irikteý satysynyń jerebesi tartyldy, dep habarlaidy "Ult aqparat".
Elordalyq «Astana» komandasyna jarystyń alǵashqy satysynda Belarýstiń «Dinamo» (Brest) komandasy qarsylas atandy. Týrnirdiń alǵashqy satysyndaǵy oiyndar 18 jáne 19 tamyz kúnderi ótkiziledi. «Astana» eýrokýboktaǵy alǵashqy kezdesýin syrt alańda bastaidy.
Esterińizge sala ketelik, jarystyń atalǵan satysyndaǵy jeńimpaz bir ǵana oiyn arqyly anyqtalady. Jeńimpaz Chempiondar ligasynyń ekinshi satysyna joldama alady. Jeńilgeni Eýropa ligasynyń ekinshisi satysynda baq synaidy.
«Astana» bizdiń elimizdiń atynan altynshy jyl qatarynan Chempiondar ligasynyń irikteý kezeńinde synǵa túsip keledi. Máselen, 2015/2016 jylǵy kezeńde atalmysh týrnirdiń toptyq kezeńine deiin jetti. Odan keiingi úsh jylda eki márte úshinshi irikteý kezeńinen asa almasa, bir márte plei-off kezeńine deiin bardy. Nátijesinde olarǵa sońǵy úsh jylda Eýropa ligasynyń irikteý kezeńine qatysýǵa múmkindik berildi. Odan súrinbei etken elordalyqtar toptyq kezeńinde el namysyn qorǵady. Al 2016/2017 jylǵy kezeńde jarystyń 1/16 finalyna deiin jetti.
«Dinamo» (Brest) 1960 jyly qurylǵan. Ótken jyly óz tarihynda tuńǵysh ret Belarýs chempiony atandy. Sondai-aq, 1992 jyly óz elinde qola júldeger boldy.
