Fýtboldan 2022 jylǵy álem chempionaty irikteý kezeńiniń jerebesi Eýropada biyl 29 qarashada tartylady, dep habarlaidy "Ult aqparat".
Irikteý kezeńinde barlyǵy 55 qurama baq synaidy. Olar on topqa bólinedi. Bes topta alty-altydan, bes topta bes-besten quramalar bolady. Árbir toptyń jeńimpazy Katar elinde ótetin dúbirli dodaǵa tikelei joldama alady.
Al ekinshi oryn alǵandar qataryna 2010/21 jyldarda Ulttar ligasynda úzdik shyqqan eki qurama qosylyp, álem chempionatyna qosymsha úsh joldamany sarapqa salady.
Jerebe arqyly aldymen 12 qurama óz qarsylastarymen kezdesedi. Odan keiin altaýy sol talap boiynsha qosymsha úsh joldamany sarapqa salady.
Esterińizge sala ketelik, álem chempionatynda Eýropaǵa 13 joldama bólingen.
Jerebe tartý rásimi ótetin qala men ýaqyty ázirge belgisiz. Irikteý kezeńi 2021 jyldyń naýryz aiynda bastalady. Al álem chempionatynyń finaldyq kezeńi 2022 jyldyń 21 qarasha jáne 18 jeltoqsany aralyǵynda ótkiziledi.
