6 qyrkúiekte bastalatyn ÝEFA-nyń jańa týrniri - «Ulttar Ligasyn» qazaqstandyqtar Qazaqstan men Qazsport telearnalarynan tamashalai alady. Bul týraly «Qazaqstan» teleradiokorporatsiiasynyń Basqarma tóraǵasy Erlan Qarin Feisbýktegi paraqshasynda jazdy, dep habarlaidy "Ult aqparat".
«Qazaqstan» korporatsiiasy «Ulttar Ligasy» matchtaryn transliatsiialaý quqyǵyna ie boldy. 2018 jyldyń 6 qyrkúieginen 20 qarashasyna deiin Qazaqstan men Qazsport telearnalary Ulttyq quramalarǵa arnalǵan ÝEFA-nyń jańa týrniriniń qyzyqty kezdesýlerin kórsetedi. Eń aldymen, Korporatsiia D Ligasynda óner kórsetetin Qazaqstan quramasynyń matchtaryn kórsetý quqyǵyna ie boldy. Sonymen birge quramy boiynsha eń myqty A Ligasyndaǵy oiyndaryn kórsetý quqyǵy alynyp otyr. Onda Eýropanyń eń myqty Ulttyq quramalary: Germaniia, Angliia, Ispaniia, Italiia, Horvatiia, Frantsiia, Niderlandy, Belgiia jáne ózge elderdiń fýtbolshylary óner kórsetedi», - deidi ol.
Erlan Qarinniń jazýynsha, jańa týrnirdiń starty dál osy Astanada bastalady. Naqty aitqanda, «Astana-Arenada» 6 qyrkúiek kúni Qazaqstan men Grýziia komandalary kezdesedi.
«Atalmysh týrnir buryn Eýropa chempionatyna túsip kórmegen komandalar úshin biregei múmkindik bolyp otyr. Saiystardyń qorytyndysy boiynsha jeńimpazdar EÝRO-2020 irikteýine ótedi. Sonymen qatar, dál osy Astanada ÝEFA Kongresinde 2014 jyly «Ulttar Ligasy» týrnirin qurý týraly sheshim qabyldanǵan bolatyn. 6 qyrkúiek kúni saǵat keshki 20:00 kezinde Qazaqstan men Grýziia elderi quramalarynyń kezdesýin Qazsport arnasynan jiberip almańyzdar. Sondai-aq, barlyq kezdesýlerdi Qazaqstan TV mobildik qosymshasy arqyly da kórýge bolady», - deidi Erlan Qarin.
