6 قىركٷيەكتە باستالاتىن ۋەفا-نىڭ جاڭا تۋرنيرٸ - «ۇلتتار ليگاسىن» قازاقستاندىقتار Qazaqstan مەن Qazsport تەلەارنالارىنان تاماشالاي الادى. بۇل تۋرالى «قازاقستان» تەلەراديوكورپوراتسيياسىنىڭ باسقارما تٶراعاسى ەرلان قارين فەيسبۋكتەگٸ پاراقشاسىندا جازدى, دەپ حابارلايدى "ۇلت اقپارات".
«قازاقستان» كورپوراتسيياسى «ۇلتتار ليگاسى» ماتچتارىن ترانسلياتسييالاۋ قۇقىعىنا يە بولدى. 2018 جىلدىڭ 6 قىركٷيەگٸنەن 20 قاراشاسىنا دەيٸن Qazaqstan مەن Qazsport تەلەارنالارى ۇلتتىق قۇرامالارعا ارنالعان ۋەفا-نىڭ جاڭا تۋرنيرٸنٸڭ قىزىقتى كەزدەسۋلەرٸن كٶرسەتەدٸ. ەڭ الدىمەن, كورپوراتسييا D ليگاسىندا ٶنەر كٶرسەتەتٸن قازاقستان قۇراماسىنىڭ ماتچتارىن كٶرسەتۋ قۇقىعىنا يە بولدى. سونىمەن بٸرگە قۇرامى بويىنشا ەڭ مىقتى ا ليگاسىنداعى ويىندارىن كٶرسەتۋ قۇقىعى الىنىپ وتىر. وندا ەۋروپانىڭ ەڭ مىقتى ۇلتتىق قۇرامالارى: گەرمانييا, انگلييا, يسپانييا, يتالييا, حورۆاتييا, فرانتسييا, نيدەرلاندى, بەلگييا جەنە ٶزگە ەلدەردٸڭ فۋتبولشىلارى ٶنەر كٶرسەتەدٸ», - دەيدٸ ول.
ەرلان قاريننٸڭ جازۋىنشا, جاڭا تۋرنيردٸڭ ستارتى دەل وسى استانادا باستالادى. ناقتى ايتقاندا, «استانا-ارەنادا» 6 قىركٷيەك كٷنٸ قازاقستان مەن گرۋزييا كوماندالارى كەزدەسەدٸ.
«اتالمىش تۋرنير بۇرىن ەۋروپا چەمپيوناتىنا تٷسٸپ كٶرمەگەن كوماندالار ٷشٸن بٸرەگەي مٷمكٸندٸك بولىپ وتىر. سايىستاردىڭ قورىتىندىسى بويىنشا جەڭٸمپازدار ەۋرو-2020 ٸرٸكتەۋٸنە ٶتەدٸ. سونىمەن قاتار, دەل وسى استانادا ۋەفا كونگرەسٸندە 2014 جىلى «ۇلتتار ليگاسى» تۋرنيرٸن قۇرۋ تۋرالى شەشٸم قابىلدانعان بولاتىن. 6 قىركٷيەك كٷنٸ ساعات كەشكٸ 20:00 كەزٸندە قازاقستان مەن گرۋزييا ەلدەرٸ قۇرامالارىنىڭ كەزدەسۋٸن Qazsport ارناسىنان جٸبەرٸپ الماڭىزدار. سونداي-اق, بارلىق كەزدەسۋلەردٸ Qazaqstan TV موبيلدٸك قوسىمشاسى ارقىلى دا كٶرۋگە بولادى», - دەيدٸ ەرلان قارين.
