Búgin fýtboldan Premer-liga komandalary arasyndaǵy Qazaqstan birinshiliginiń alǵashqy týryndaǵy taǵy úsh oiyn ótti, dep habarlaidy "Ult aqparat".
Búgingi birinshi kezdesý Aqtaýda jergilikti «Kaspii» men «Aqtóbe» komandalary arasynda boldy. Oiyn barysynda alań ieleri qatarynan Ýadji Salidiń soqqan dobyna aqtóbelik klýbtan Maksim Fedin bir golmen jaýap qaiyrdy. Oiyn 1:1 esebimen aiaqtaldy.
Qyzylordada jergilikti «Qaisar» men «Taraz» komandalary sheberlik baiqasty. Birinshi kezeńde qos klýb bes gol soǵyp úlgerdi. Aldymen tarazdyq qorǵaýshy Eldos Ahmetov óz qaqpasyna dop engizip alsa, 22-minýtta qyzylordalyq Maqsat Baijanov esepti ústemelei tústi. Budan keiin «Taraz» sapynan Abzal Taýbai 25, Abylaihan Jumabek 36, Baýyrjan Baitana 45-minýttarda mergendik tanytyp, óz komandasyn alǵa shyǵardy. Oiynda «Qaisar» qarsylasyna 2:3 esebimen ese jiberdi.
Qostanaida «Tobyl» men Oraldyń «Aqjaiyq» klýbtary ózara kúsh synasty. Alǵashqy kezeńde 30-minýtta qostanailyq klýb sapynan Azat Nurǵaliev kózdegen nysanadan múlt ketken joq. Al 75-minýtta onyń áriptesi Ashat Taǵybergen gol soǵyp, qorytyndy esepti belgiledi. «Tobyl» 2:0 esebimen jeńiske jetti.
Al Shymkentte ótkizýi belgilengen «Ordabasy» men Petropavldyń «Qyzyljar» komandalary arasyndaǵy oiyn aýa raiynyń qolaisyzdyǵynan keiinge qaldyryldy. Bul kezdesýdiń qashan ótetini jóninde qosymsha sheshim qabyldanady.
Aita keteiik, 13 naýryzda alǵashqy týrdaǵy úsh oiyn ótti. Óz alańynda «Qairat» Taldyqorǵannyń «Jetisýyn» 2:1 esebimen tize búktirse, «Atyraý» Qaraǵandynyń «Shahterinen» 0:1 esebimen jeńilip qaldy. Al Túrkistanda jergilikti «Turan» men elordalyq «Astana» 2:2 esebimen teń tústi.
Aldaǵy týr oiyndary 19 jáne 20 naýryz kúnderi ótkiziledi.
